CHIDZIWITSO
Khonsolo ya Mzinda wa Lilongwe ikudziwitsa anthu onse ogulitsa ndi kugula malonda osiyanasiya mu Msika waukulu otchedwa Mpanipani kuti, malo osungilapo magalimoto a pa Msikawu akhala otsekedwa kuyambila pa 1st January, 2021. Khonsoloyi idzakhala ikukonza malowa panthawiyi.
Pa chifukwa ichi, Khonsoloyi ikudziwitsa anthu onse kuti azikasunga magalimoto awo kuseri kwa Msika wa Mpanipani moyang’anizana ndi Mogasa, komaso pa Tikambe mu mseu wa Malangalanga moyang’anizana ndi ma ofesi a khonsoloyi ku Chidzanja kapena mphepete mwa malo ochitira malonda a U-Save ndi K99 ku old town.
Malowa adzakhala otseka chomwechi kwa masabata anayi (4).
Khonsolo ya Mzinda wa Lilongwe ikupepesa kwa onse okhudzidwa ndi kutseka kwa malowa.